वडूज नगरपंचायतीचे विरोधी पक्षनेते शहाजीराजे गोडसे शिवसेनेत दाखल
खटाव तालुक्यासह वडूज ला ताकत देणार - दिवाकर रावते
वडूज प्रतिनिधी / शरद कदम
वडूज नगरपंचयातीचे विरोधी पक्षनेते शहाजीराजे गोडसे यांच्या शिवसेना प्रवेशाने खटाव तालुक्यासह वडूज नगरीत पक्षाला निश्चित ऊर्जा मिळणार असून विकास कामासाठी पक्ष शहाजीराजे गोडसे यांच्या पाठीशी खंबीरपणे उभा राहणार असल्याचे वक्तव्य शिवसेना पश्चिम महाराष्ट्र संपर्क नेते दिवाकर रावते यांनी केले.
वडूज नगरपंचयातीचे विरोधी पक्षनेते शहाजीराजे गोडसे यांचा शिवसेना प्रवेशाच्या कार्यक्रमात ते बोलत होते. यावेळी सातारा सांगली संपर्क प्रमुख प्रा नितीन बानूगडे पाटील, जिल्हाप्रमुख चंद्रकांत जाधव, विधानसभा संपर्क प्रमुख शंकर वीरकर, उपतालुका प्रमुख संजय भोसले, क्षेत्र प्रमुख सचिन भिसे, तालुका प्रमुख युवराज पाटील, उपतालुका प्रमुख महेश गोडसे, बाळासाहेब जाधव, शहर प्रमुख सुशांत पार्लेकर, विभाग प्रमुख आबासाहेब भोसले आदि उपस्थित होते.
यावेळी बोलताना प्रा नितीन बानूगडे म्हणाले की,मुख्यमंत्री उध्दव ठाकरे यांच्या आदेशानुसार ८० टक्के समाजकारण आणि २० टक्के राजकारण या संकल्पनुसार शिवसेनेचे काम चालू आहे. शहाजीराजे गोडसे यांचे वडूज नगरीसह खटाव तालुक्यातील सामान्य जनतेसाठी योगदान मोठे असून त्यांच्या तरूणाई व तालुक्यातील सामान्य जनता त्यांच्या पाठीशी आहे. श्री. गोडसे यांच्या प्रवेशाने खटाव तालुक्यात शिवसेनेला नक्कीच बळकटी मिळणार असून पक्ष त्यांना ताकत देणार आहे.
शहाजीराजे गोडसे म्हणाले की, चळवळीच्या माध्यमातून गेली अनेक वर्षे खटाव तालुक्यातील जनतेला न्याय देण्याचा आम्ही प्रामाणिक प्रयत्न केला आहे. मुख्यमंत्री उद्धव ठाकरे यांच्यामुळे महाराष्ट्र राज्य विकासाच्या शिखरावर पोचले असून त्यांच्या मार्गदर्शनाखाली पक्षाच्या माध्यमातून वडूज शहरात विविध विकास कामे करून शहराचा काया पालट करण्याचा प्रयत्न करणार असून शिवसेना पक्ष वाढविण्यासाठी ताकतीने प्रयत्न करणार आहे.
कोणत्याही टिप्पण्‍या नाहीत:
टिप्पणी पोस्ट करा