तुळजापूर येथे श्री तुळजाभवानी देवीची शेषशाही अलंकार महापूजा*

*तुळजापूर येथे श्री तुळजाभवानी देवीची शेषशाही अलंकार महापूजा* 

         

उस्मानाबाद

., दि.11 ऑक्टोंबर 2021,रोजी शारदीय नवरात्र महोत्सवात सोमवार पाचव्या दिवशी श्री तुळजाभवानी देवीची शेषशाही अलंकार महापूजा मांडण्यात आली. 

श्री तुळजाभवानीची आज नित्योपचार पुजा आणि अभिषेक पूजेनंतर शेषशाही अलंकार महापूजा मांडण्यात आली. या दिवसाचे महत्व भगवान विष्णू क्षिरसागरामध्ये शेष शैयावरती विश्राम घेत असताना मातेने यांचे नेत्र कमलात जावून विश्राम घेतला. यावेळी भगवान विष्णू यांच्या दोन्ही कानातून निघालेल्या मला (मळ) पासून दोन दैत्य उत्पन्न झाले, त्यांची नावे शुंभ व निशुंभ आहेत. ते उत्पन्न होताच शेष शैयावरील विष्णूवरती आक्रमण करण्यास जाऊ लागले. त्यावेळी नाभी कमलात विराजमान असलेल्या ब्रम्हदेव यांनी  विष्णूच्या नेत्र कमलात विश्राम घेणाऱ्या देवीची स्तूती करुन श्रीस जागविले व विष्णूवरती आक्रमण करणाऱ्या दैत्यांचा वध श्री तुळजाभवानी  मातेने केला म्हणून विष्णूने आपले शेष शैया श्रीस विश्राम करण्यासाठी दिले. त्यामुळे ही शेषशाही अलंकार महापूजा मांडण्यात येते. अशी आख्यायिका सांगितली जाते.

शारदीय नवरात्र महोत्सवात दररोज नियमित श्री तुळजाभवानी देवीजींचे विविध धार्मिक विधी विधीवत पार पाडले जातात. यात, उद्या दि. 12 रोजी भवानी तलवार अलंकार महापूजा आणि दि. 13 रोजी महिषासूर मर्दिनी अलंकार महापूजा होणार आहेत, तत्पूर्वी रात्री दवीजीची आरती झाल्या देवीजींच्या मुख्य चादीच्या पादुका अश्व या वाहनामध्ये ठेवून,

मंदिरास पूर्ण  प्रदर्शना मारण्यात आली,या वेळी उपविभागीय अधिकारी, नगराध्यक्ष, तहसीलदार, पुजारी बांधव आदींची उपस्थिती होती.

प्रतिनिधी रुपेश डोलारे तुळजापूर उस्मानाबाद