जनता दलाचे प्रदेशाध्यक्ष प्रा.शरद पाटील यांचे निधन
. मुंबई (मिलिंद माने) - जनता दल (सेक्युलर) पक्षाचे प्रदेशाध्यक्ष व लोकनेते म्हणून ओळख असलेले माजी आमदार प्रा.शरद पाटील यांचे बुधवार दि.२७ डिसेंबर २०२३ रोजी पहाटे ६.०० वाजता अल्पशा आजाराने निधन झाले.
प्रा.शरद पाटील हे १९९० आणि १९९५ अशा दोनवेळा सांगली जिल्ह्यातील कुपवाड - मिरज मतदार संघातून विधानसभेवर निवडून गेले होते. तर २००२ ते २००८ मध्ये भाजपचे प्रकाश जावडेकर यांचा पुणे पदवीधर मतदार संघात पराभव करून विधान परिषदेवर निवडून गेले होते.
प्रा. शरद पाटील यांनी तालिका अध्यक्ष म्हणून विधानसभेत उत्तम काम केले होते. सर्वसामान्य जनतेला न्याय मिळवून देणारे व स्वतः कधीच चुकीचे काम न करणारे चारित्र्यसंपन्न लोकनेते म्हणून त्यांची ओळख होती.
. प्राध्यापक शरद पाटील यांच्या जाण्याने जनता दल (सेक्युलर) पक्षाचे नुकसान झाले आहे.
प्रा. शरद पाटील हे माजी पंतप्रधान एच.डी.देवेगौडा यांचे विश्वासू होते.
कोणत्याही टिप्पण्या नाहीत:
टिप्पणी पोस्ट करा