आढेगाव येथील तलाठी मंडल अधिकारी यांच्यावर कारवाई करण्याची मागणी
टेंभुर्णी : -माढा तालुक्यातील मौजे आढेगाव येथील एकाच गट नंबर मधील एका महिन्याच्या अंतराने खरेदी केलेल्या क्षेत्राच्या नोंदी बोजा असल्याचे कारण सांगून रद्द केल्या आहेत.नंतर मात्र रद्द केलेल्या नोंदी चिरीमिरी घेऊन प्रमाणित करण्यात करणाऱ्या व गोरगरीब जनतेला त्रास देणाऱ्या तलाठी,मंडल अधिकारी यांची सखोल चौकशी करून योग्य ती कारवाई करावी अशी मागणी महसूलमंत्री यांच्याकडे दिलेल्या निवेदनात पिंटू विठ्ठल कोळेकर याने केली आहे.
महसूलमंत्री बाळासाहेब थोरात यांना दिलेल्या निवेदनात पीडित पिंटू कोळेकर याने म्हटले आहे की,बँक,सोसायटी बोजे असल्याने रद्द केलेल्या नोंदी तलाठी बेकायदेशीरपणे फेर परत धरून घेत आहेत.तसेच मंडल अधिकारी त्या नोंदी प्रमाणित करीत आहेत.माझी नोंद मात्र रद्द केली आहे असे म्हटले आहे.तलाठी व मंडल अधिकारी यांनी दोन वर्षे अतोनात त्रास दिला असून एकाच गटातील एक नोंद मंजूर केली आहे तर एक नोंद रद्द केली आहे.
यामुळे गोरगरीबाना,शेतकऱ्यांना त्रास देणाऱ्या मंडळ अधिकारी व तलाठी यांच्यावर कायदेशीर कार्यवाही करावी अशी मागणी कोळेकर याने महसूलमंत्री यांच्याकडे केली आहे.
निवेदनाच्या प्रती पुणे विभागीय आयुक्त, जिल्हाधिकारी सोलापूर,उपविभागीय अधिकारी कुर्डुवाडी यांना देण्यात आल्या आहेत.
* थकबाकीची तक्रार आल्याने नोंद रद्द झाली होती.याविषयी वरिष्ठ कार्यालयाकडे सुनावणी झालेली आहे.थकबाकी भरल्यानंतर वरिष्ठांच्या आदेशाने नोंद केलेली आहे.
-जी.वाय.ढोकणे-तलाठी,आढेगाव
कोणत्याही टिप्पण्‍या नाहीत:
टिप्पणी पोस्ट करा