*महाराष्ट्र लोकसेवा आयोगाच्या परीक्षेत सुजात अली काझी यांनी जिद्दीने मिळविले यश*
प्रतिनिधी रूपेश डोलारे उस्मानाबाद.
तुळजापूर तालुक्यातील काटी येथील स्व. मजहर अहमद काझी यांचे नातू तथा बरतर काझी यांचे चिरंजीव सय्यद सुजात अली काझी यांनी जीवनात यशाची शिखरे गाठण्यासाठी स्वप्ने उराशी बाळगून त्या दिशेने झेपावण्यासाठी खडतर, कौतुकास्पद व प्रेरणादायी प्रवास करीत महाराष्ट्र लोकसेवा आयोगाच्या 2019 मध्ये घेण्यात आलेल्या परिक्षेत 34 व्या रॅंकने उत्तीर्ण होऊन जलसंधारण विभागात राजपत्रित अधिकारी म्हणून यश संपादन केले आहे.
सय्यद सुजात अली काझी यांनी सोलापूर येथील सिंहगड कॉलेज मधून स्थापत्य अभियांत्रिकी मध्ये बीई पर्यंतचे शिक्षण घेतले तर वॉलचंद कॉलेज ऑफ इंजिनिअरिंग,सांगली मधून एमटेक(स्ट्रक्चरल अभियांत्रिकी) पर्यंतचे शिक्षण पुर्ण केले. यापुर्वी त्यांनी आरआरबी परिक्षेत यश मिळविले असून ते सध्या भारतीय रेल्वे मध्ये ज्युनिअर इंजिनिअर म्हणून डिझाईन ड्राविंग ॲन्ड इस्टीमेशन या पदावर कार्यरत आहेत. आई-वडिलांच्या विश्वासाला तडा न जावू देता जिद्द, परिश्रम व तल्लख बुध्दीमत्तेच्या जोरावर 2019 मध्ये झालेल्या महाराष्ट्र लोकसेवा आयोगाच्या परीक्षेत 34 व्या रॅंकने उत्तीर्ण होऊन जलसंधारण विभागात जलसंधारण अधिकारी (राजपत्रित अधिकारी) या पदावर निवड झाली आहे. या त्याच्या यशाबद्दल काटीसह परिसरातून सर्वत्र कौतुक होत असून त्यांच्यावर अभिनंदनाचा वर्षाव होत आहे.
कोणत्याही टिप्पण्‍या नाहीत:
टिप्पणी पोस्ट करा