गेल्या वर्षीच्या सत्ताधारी नगराध्यक्ष उपनगराध्यक्ष नगरसेवकांच पापं जनतेच्या माथ्यावर... जनतेच्या पैशावरच डल्ला?* *कुर्डुवाडीतील प्रांत कार्यालया समोरील पंढरपूर रस्ताचे तीस लाख रुपये जाणार भ्रष्ट भुयारी खड्ड्यात...* *जुन्या भ्रष्ट चुकांमुळे नगरपालिका विद्यमान मुख्याधिकारी व प्रशासनही हतबल...*

गेल्या वर्षीच्या सत्ताधारी नगराध्यक्ष उपनगराध्यक्ष नगरसेवकांच पापं जनतेच्या माथ्यावर... जनतेच्या पैशावरच डल्ला?*

कुर्डुवाडीतील प्रांत कार्यालया समोरील पंढरपूर रस्ताचे तीस लाख रुपये जाणार भ्रष्ट भुयारी खड्ड्यात...

  जुन्या भ्रष्ट चुकांमुळे नगरपालिका विद्यमान मुख्याधिकारी व प्रशासनही हतबल...*   

    

                        अरुण कोरे(पत्रकार),कुर्डुवाडी यांजकडून...
     कुर्डुवाडी शहरातील प्रांत कार्यालया समोरील पंढरपूर रोडवर तीस लाख रुपयांचे डांबरीकरणाचे काम सुरू आहे...या कामाची निविदा पूर्वीच्या तत्कालीन भ्रष्ट बिनडोक मुख्याधिकारी व त्यांचे बगलबच्चे नगरसेवक पदाधिकारी यांच्या हट्टाहासाने त्यांच्या काळात मंजूर झाली आहे.
         वास्तविक पाहता हा रस्ता राज्य रस्ते विकास महामंडळाच्या कोट्यवधीच्या खर्चाने ओढ्यातील पुलासह करण्यात येणार होता.पण तत्कालीन सत्ताधाऱ्यांनी व मुख्याधिकारी यांनी मिली भगत करून केवळ खोके कमाई भ्रष्टाचारासाठी हा रस्ता नगरपरिषदेकडून करण्याचा घाट घातला गेला होता.नागरिकांनी त्यास विरोधही केला होता पण बिनडोक सत्तेपुढे शहाणपण नाही म्हणून नागरिकांनाच त्रास दिला जाऊ लागला.
    अरुंद ओढ्यावरील पुलामुळे पहिल्या पावसातच दोनच महिन्यांपूर्वी पाणी नागरी वसाहतीत शिरुन नागरिकांचे अतोनात नुकसान झाले आहे.
      या रस्त्यांवरील गेल्या तीन वर्षांपासून भुयारी गटारीचे,पाईप लाईन्सची,चेंबर्सची वारंवार खोदाई केल्याने हा रस्ताच मुळात खड्ड्यात गाढला गेला आहे.
    त्याचे दुरुस्तीकरण भुयारी गटारीच्या ठेकेदारानेही वेळोवेळी केले नसल्याने नागरिकांना नाहक धुळीसह त्रास सहन करावा लागत आहे.
    अशा या खड्ड्यातील रस्त्याची जमीनीत खोदाई करुन कमीत कमी दोन फूट खडी भरणे गरजेचे होते.पण त्याची तरतूद निविदेतच नाही.
       निविदेचे अवलोकन करता विना खोदाई मोठी खडी,त्यावर डांबरीकरण व त्यांवर लहान खडी व डांबरीकरण अशी निविदा केली आहे.निविदेप्रमाणे काम सुरू आहे...
       मार्च अखेरपर्यंत सध्याचा तीस लाख रुपये निधी खर्च करावयाचा असल्याने हा रस्ता नगरपरिषदेकडून करण्यात येत आहे.

     याबाबत शिवसेना(बाळासाहेब) शहराध्यक्ष समाधान दास यांनी न.पा.प्रशासनाचे लक्ष वेधून खोदाई करणे कामी सुचीत केले होते. परंतु खोदाईचा मुद्दाच गुलदस्त्यात असल्याचे निविदेत दिसून आले आहे.

       नगरपालिका  विद्यमान मुख्याधिकारी राठोड साहेब यांचेशी संपर्क साधला असता निविदा पूर्वीच्या काळात मंजूर झाली असल्याने व निधी परत जाणार असल्याने निविदेप्रमाणे काम करुन घेण्याची जबाबदारी प्रशासनाची असून मी कामावर वारंवार समक्षच भेटी दिल्या असून संबंधित ठेकेदार व अभियंते यांना सुचना देऊन निर्देशीत केले असल्याचे त्यांनी सांगितले.

     तसेच शहरातील सर्व अतिक्रमणे हटाव मोहिम कडकपणे अंमलबजावणी केली जात असून पंढरपूर रोडवरील दोन्ही गटारी वरील व आतील सर्व अतिक्रमणे काढून टाकणेविषयी संबंधितांना कळवले असून त्यांनी तात्काळ न काढल्यास न.पा.प्रशासन काढणार असून त्याचा खर्च संबंधितांकडून वसूल करण्यात येणार असल्याचे व नुकसानीस अतिक्रमण धारकच जबाबदार राहतील असे मुख्याधिकारी लक्ष्मणराव राठोड साहेब यांनी सांगितले.

        वास्तविक पाहता हा रस्ता इतर रस्त्याप्रमाणे नगरपरिषदेकडून सिमेंट काॅक्रीटचा होणं गरजेचं होतं.राज्य रस्ते विकास महामंडळाच्या वतीने होणार होता त्यास मागील सत्ताधारी नगराध्यक्ष,उपनगराध्यक्ष,नगरसेवक व तत्कालीन मुख्याधिकारी यांनी त्यास केवळ "खोके कमाई"साठी खोडा घातला अन् अट्टाहासाने रस्ता नगरपरिषदेकडे घेतला. त्यामुळे नागरिकांना गेल्या तीन वर्षांपासून खड्यातून मार्गक्रमण करावा लागत आहे.वर रोजच खावी लागणारी धुळ व त्यांचे आजार वेगळेच.

        सध्याचे मुख्याधिकारी व न.पा.प्रशासन कैचीत सापडले असून रस्ता ना करावा तर निधी परत जातोय. निविदेप्रमाणे  केला तर रस्त्याचं भवितव्य दिसूनही गप्प बसून रहावे लागते आहे.

     सध्या नवीन रस्तेमुळे धुळीचा त्रास बंद होईल पण  नागरिकांचे तीस लाख रुपये चार सहा महिन्यांत खड्ड्यात जाणार हे मात्र स्पष्ट दिसत आहे.अशी ही बिनडोक व भ्रष्ट सत्ताधाऱ्यांची त-हा...