महाळूंग येथील विविध विकास कामांसाठी 50 लाखाचा निधी मंजूर
डॉ.बाबासाहेब आंबेडकर सामाजिक विकास योजना
बेंबळे।प्रतिनिधी। फोटो....आ.बबनराव शिंदे
माढा विधानसभा मतदारसंघातील ग्रामीण भागातील विकास कामांसाठी विविध योजनांमधून निधी मिळविणेसाठी शासनस्तरावर सातत्याने प्रयत्न सुरु आहेत. त्याचाच भाग म्हणून माढा मतदारसंघातील समाविष्ठ असलेल्या माळशिरस तालुक्यातील मौजे महाळुंग येथील 7 कामांसाठी डॉ.बाबासाहेब आंबेडकर सामाजिक विकास योजनेतंर्गत 50 लाख रूपयांचा निधी मंजूर झालेला असल्याचे आ.बबनराव शिंदे यांनी सांगितले.
यावेळी बोलताना आ. शिंदे म्हणाले की, डॉ. बाबासाहेब आंबेडकर सामाजिक विकास योजने अंतर्गत अनुसूचित जाती व नवबौध्द घटकांच्या वस्तीतील/गावातील पाणी पुरवठा,मलनिस्सारण, पोहोच रस्ते,अंतर्गत रस्ते, गटर बांधणे,स्मशान भूमिचा विकास करणे,पथदिवे,पर्जन्य पाण्याचा निचरा,सार्वजनिक सुलभ शौचालये,व्यायाम शाळा इत्यादी कामांना शासन स्तरावर मंजूरी देणेत येत आहे. ग्रामीण भागातील विकास कामे करणेसाठी वेगवेगळ्या शासकीय योजनामधून निधी मिळणेसाठी शासनाकडे वारंवार पाठपुरावा सुरुच आहे.डॉ. बाबासाहेब आंबेडकर सामाजिक विकास योजने अंतर्गत माळशिरस तालुक्यातील महाळुंग गावातील 7 कामांना मंजूरी देण्यात आलेली आहे. या कामासाठी 50 लाख रुपयांचा निधी मंजूर झाला आहे.सदर निधीची तरतुद करण्यासाठी राज्याचे उपमुख्यमंत्री ना.अजितदादा पवार व सामाजिक न्यायमंत्री ना.धनंजय मुंडे यांचे सहकार्य लाभले आहे. या गावामध्ये भुमिगत गटार केल्यास पाण्याची विल्हेवाट व्यवस्थीत होणार आहे. गाव स्वच्छ राहणार असून परिणामी ग्रामस्थांचे आरोग्य चांगले राहण्यास मदत होणार असे आ.शिंदे यांनी यावेळी सांगितले.
चौकट-
डॉ.बाबासाहेब आंबेडकर समाजविकास योजना सन 2021-22 मंजूर कामे,.......
महाळुंग येथील आनंदनगर येथे भुमिगत गटार बांधणे - 10 लाख., जिजामाता नगर येथे भुमिगत गटार बांधणे - 10 लाख., गट नं.2 येथे भुमिगत गटार बांधणे - 10 लाख., शाहूनगर येथे भुमिगत गटार बांधणे - 5 लाख., बिरुनगर येथे भुमिगत गटार बांधणे - 5 लाख., साईनगर येथे भुमिगत गटार बांधणे - 5 लाख., जगदिशनगर येथे भुमिगत गटार बांधणे - 5 लाख.
कोणत्याही टिप्पण्‍या नाहीत:
टिप्पणी पोस्ट करा